You were redirected to http://despoblacion.navarra.es/eu/web/despoblacion/proiektuak .

Click the following link if you want to dismiss this redirect and access the original URL: Esteka .

Proiektuak - Despoblacion

Orrialde honetan

Kontsultatu Nafarroan despopulazioari aurre egiteko bultzatu diren proiektuak eta ekimenak, eta gehitu zeure ekimena katalogoan.

1. atala Proiektu aipagarriak Toki Administrazioaren eta Despopulazioaren Zuzendaritza Nagusiak bultzatutako proiektuak. ↓ Ikusi proiektuak
2. atala Lurraldeko ekimenak Nafarroako despopulazioari lotutako ekimenen katalogoa eta mapa. ↓ Ikusi ekimenak
3. atala Gehitu zure ekimena Sartu panelean zure ekimena erregistro-inprimakia erabiliz. ↓ Inprimakira joan
 

Proiektu aipagarriak

Kontsultatu Toki Administrazioaren eta Despopulazioaren Zuzendaritza Nagusiak gure erkidegoko despopulazioari aurre egiteko bultzatutako proiektu nabarmenenak.

Proyecto 13

Herri-administrazioen modernizazioa

Berreskuratze Planak administrazio publikoaren eraldaketa digitala eta modernizazioa bultzatzen ditu, lau ardatzen bidez: prozesuen digitalizazioa eta herritarren arreta, enplegu publikoaren behin-behinekotasuna eta prestakuntza murriztea, administrazio-eraikinen trantsizio energetikoa, eta gobernantza-eredu berri estrategikoago bat.

Proyecto 1

Lurralde-berrikuntzako zentroa (CIT)

Nafarroako CIT delakoak bi zentro ditu, Zangozan eta Lizarran, eta lankidetzan berritzeko ekosistema bat da, non zenbait eragile biltzen baitira proiektu berritzaileak bultzatzeko: enpresa-sektoreko eragileak, berrikuntzako eta garapen teknologikoko erakundeak, toki-erakundeak eta Nafarroako Gobernua. Haren helburua da ehun sozioekonomikoaren lehiakortasuna indartzea eta talentua finkatzea despopulatzeak gehien eragindako landa-eremuetan, lurraldearen garapen orekatua eta jasangarria sustatzeko. Ekimen hau MITECOk bultzatu du, Nafarroako Gobernuko Toki Administrazioaren eta Despopulazioaren Zuzendaritza Nagusiarekin lankidetzan.

Proyecto 2

Pirinioetako Plana

32 udalerrik eta udalerri horietako kontzejuek hartzen duten lurraldean aplikatzen da Pirinioetako Plana. Haren xedea da Pirinioetako lurralde osoa suspertzea eta garatzea; izan ere, eremu horrek arazo demografikoak ditu aspalditik: biztanleria gainbeheran dago eta gero eta zaharragoa da.

Proyecto 3

RuralNav

Tokiko 4 ekintza-taldeen lankidetzarako programa bat da, erronka demografikoari eta despopulatzeari aurre egiteko neurriak ezar daitezen. Horretarako, ekimen berritzaileak garatzen dira landa-inguruneetan, lurraldea eraldatzen laguntzeko, biztanleriari eusteko eta hura biziberritzeko.

Proyecto 4

Bideak Ehuntzen

Kodes mendilerroko 15 udalerri lankidetzan ari dira tokiko garapena sustatzeko eta despopulatzearen aurka borrokatzeko. Honako hauek dira oinarrizko jarduketa-ildoak: zerbitzu publikoak indartzea (mugikortasuna, tokiko kontsumoa, kultura), ekonomia soziala eta zainketak; lehen sektorea eta ekintzailetza; garapena eta berrikuntza; koordinazioa eta komunikazioa.

Proyecto 5

Pueblos Vivid Herriak

Emplea Fundazioak sustatzen du Pueblos VIVID Herriak proiektua, eta haren bidez bultzada bat eman nahi zaio despopulatzearen kontrako borrokari Nafarroako landa-udalerrietan. Proiektuak honako hauek ditu ardatz: herritarrak aktibatzea, eta bereziki tokiko biztanleak inplikatzea, gazteak batez ere; aldi baterako etxebizitzaren arloan konponbideak bilatzea, eta udalerrien arteko lankidetzarako sare bat sortzea despopulatzearen kontra borrokatzeko.

Proyecto 6

Eskualdea 30 minututan

Toki Administrazioaren eta Despopulazioaren Zuzendaritza Nagusiak "Eskualdea 30 minututan" azterlana egin du Nafarroako Soziologia eta Politologia Elkargoarekin lankidetzan. Azterlanak diagnostiko bat du oinarrian, eta Gephi softwarea erabiltzen du eskualdeetako eremuen arteko sareak grafikoki bistaratzeko eta zerbitzuak modu erraz eta bisualean eskuratzeko, funtsezko zerbitzuak berrantolatzeko estrategia bat garatze aldera, joan-etorri luzeak egitea saihesteko.

Proyecto 7

Landa-farmazia (hitzarmena Nafarroako Farmazialarien Elkargo Ofizialarekin)

Nafarroako Farmazialarien Elkargo Ofizialarekin egindako hitzarmen baten bidez, Toki Administrazioaren eta Despopulazioaren Zuzendaritza Nagusiak hobetu egin nahi du adinekoen tratamendu farmakologiko pertsonalizatua, eta despopulatze-arriskuan dauden udalerrietako landa-farmaziak biziberritu.

Proiektua 8

Landa inguruneko Erasmus

Toki Administrazioaren Zuzendaritza Nagusiak, La Caixa Fundazioarekin lankidetzan eta NUPekin eta UNAVekin batera, landa-inguruneko Erasmus programa sustatu du, ikasle gradudunek praktikak egin ditzaten despopulatzeak eragindako udalerrietan.

NUP UNAV
Proyecto 9

Interreg Europe RuralProofing proiektua

Toki Administrazioaren eta Despopulazioaren Zuzendaritza Nagusiak gidatzen du "Rural Proofing. Landa-ikuspegia duen gobernantza hobetzeko lankidetza" izeneko proiektua, eta, haren bidez, 4 herrialdetako (Estonia, Bulgaria, Irlanda eta Espainia) 7 erakunderen arteko lankidetza eta eskualdeen arteko trukea sustatzen da, hobetze aldera gobernuek duten gaitasuna organo legegileetan onetsitako politikek landa-eremuetan duten inpaktua ebaluatzeko eta ko-diseinatzeko.

Proyecto 10

Artziko jauregia eta haren ingurunea birgaitzea

Lurralde Kohesiorako Departamentuak Artziko jauregia eta haren ingurunea birgaitu ditu, XVI. mendeko eraikin historiko horri duintasuna itzultzeko, despopulatze-arriskuan dagoen eremu hori biziberritzen laguntzeko. Esku-hartzearen ardatza izan da higiezina finkatzea eta herritarrendako erabilera berriak ematea, irisgarritasun unibertsala bereziki kontuan hartuta. Artzi-Nagoreko aisialdi-eremuan, guztira, 4.100.595 euroko inbertsioa egin da, eta zati bat Europako REACT funtsekin finantzatu da.

Proyecto 11

Nafarroa Ezagutu Sarea

Nafarroako naturagune babestuak, espazio bereziak eta erabilera publikoko ibilbideak kudeatzen dituzten erakundeek osatzen dute Nafarroa Ezagutu Sarea izeneko elkartea, eta topagune gisa erabiltzen da esperientziak trukatzeko, sareko lana egiteko edo baliabideak optimizatzeko. Gainera, Sarea lanean ari da espazio horietako bisitariei eskaintza eta zerbitzu hobeak emateko, jasangarritasunaren eta tokiko garapenaren printzipioetatik abiatuta.

Proyecto 12

Trebakuntza digitala

Trebakuntza digitalerako proiektuak helburu du zailtasun demografiko berezietako biztanleen konpetentzia digitalak hobetzea, funtsezko hiru kolektibo kontuan hartuta: adinekoak, emakumeak eta haur eta gazteak. Lanbide-kualifikazioa lehentasunezko tresnatzat jotzen da jarduera ekonomikoa sustatzeko, berrikuntza produktiboa bultzatzeko, eta gizarte-berrikuntza eta eraldaketa errazteko azken urteetako eraldaketa ekonomikoek eta aldaketa demografikoek gehien kaltetutako lurraldeetan.

 

Zer egiten ari da lurraldean?

Sar zaitez Nafarroako despopulazioari lotutako ekimenen katalogoan edota mapan.

 

Gehitu zure ekimena

Nafarroako ekimenen mapa osatu ezazu. Edozein erakunde publikok edo pribatuk erregistra ditzake despopulazioaren aurkako borrokari lotutako proiektuak.

Imagen de la tarjeta

Sartu panelean zure ekimena erregistro-formularioa erabiliz

Hemen